Photo Gallery

आज सत्यजीत तांबे यांनी अमळनेर तालुक्यात आभार दौऱ्यावर असताना ‘खरा तो एकचि धर्म जगाला प्रेम अर्पावे’ असा संस्कार देणाऱ्या साने गुरुजींच्या कर्मभूमी स्मारक प्रतिष्ठानला भेट दिली. यावेळी तेथील प्रसन्न व शांत वातावरणात सत्यजीत तांबे यांनी साने गुरुजींनी लिहिलेली काही पुस्तके चाळली. यावेळी सत्यजीत तांबे यांनी ट्रस्टचे चेतनभाऊ सोनार, गोपाळ नेवे, डॉ. अतुल चौधरी व दर्शनाताई या पदाधिकाऱ्यांशी संवाद साधला.

नवापूर तालुक्यातुन सत्यजीत तांबे यांच्या आभार दौऱ्यास मिळतोय उदंड व उत्स्फूर्त प्रतिसाद! नंदुरबारच्या मा.जि.प.अध्यक्षा रजनीताई शिरीषकुमार नाईक, युवा नेते डॉ.नचिकेत नाईक, डॉ. हर्षाली नचिकेत नाईक, युवक काँग्रेस अध्यक्ष पराग नाईक, युवक काँग्रेस उपाध्यक्ष आश्विन वसावे, दिलीप पवार, चेतन वसावे, अमोल गावित या सर्वांनी सत्यजीत तांबे यांचे सहर्ष स्वागत केले. सत्यजीत तांबे यांनी सर्वांची आपुलकीने विचारपूस केली व सर्वांचे आभार मानले.

नवापूर तालुक्यातील वतन अग्रवाल सरांच्या घरी सत्यजीत तांबे यांनी सदिच्छा भेट दिली. यावेळी सत्यजीत तांबे यांनी कुटुंबियांशी मनमोकळे पणाने संवाद साधला.

आज पुन्हा सत्यजीत तांबे यांच्या आभार दौऱ्यास त्याच जोशाने सुरुवात झाली आहे. नवापूर तालुक्यातील वैभव गोसावी सरांच्या निवासस्थानी सत्यजीत तांबे यांनी सदिच्छा भेट दिली असता गोरावी परिवाराकडून त्यांचे स्वागत करण्यात आले. सत्यजीत तांबे यांच्यातील अभ्यासू वृत्ती, लोकसेवेची तळमळ पाहून गोसावी सरांनी त्यांना पदवीधर निवडणुकीत खंबीर साथ दिली होती

नगरचे शिवसेना उपशहर प्रमुख पै. संदिप दातरंगे यांच्या जनसंपर्क कार्यालयाला सत्यजीत तांबे यांनी भेट दिली. याप्रसंगी संदीपभाऊ दातरंगे यांनी त्यांचा सत्कार केला. यावेळी सुनिल सुडके, अविनाश लोंढे, गणेश लांडगे, शुभम दातरंगे आदी उपस्थित होते.

तांबे व खडसे परिवाराचे अनेक वर्षांपासून जिव्हाळ्याचे संबंध आहेत. माजी मंत्री व आ.एकनाथ खडसे साहेब व डॉ.सुधीर तांबे साहेबांचे सुद्धा समाजकारणाच्या माध्यमातून अत्यंत घनिष्ठ असे मैत्रीचे संबंध आहेत. आता हेच ऋणानुबंध पुढे घेऊन जाण्याचे काम सत्यजीत तांबे करताना दिसत आहेत. जळगाव जिल्ह्याच्या आभार दौऱ्यावर असताना सत्यजीत तांबे यांनी आवर्जून रोहिणीताई एकनाथराव खडसे यांची भेट घेतली. रोहिणीताई आदिशक्ती मुक्ताई सहकारी सूत गिरणीच्या चेअरमन पदी उत्तम काम करत आहेत. सत्यजीत यांनी रोहिणीताईंची भेट घेऊन त्यांच्याशी विविध विषयांवर संवाद साधला. यावेळी रोहिणीताई व त्यांच्या कार्यकर्त्यांनी सत्यजीत तांबे यांचे स्वागत केले. सर्वांशी संवाद ठेवून काम करण्याचा डॉ.सुधीर तांबे यांचा स्वभाव होता. अगदी त्या स्वभावात साजेशीच सत्यजीत तांबे यांच्या कामाची पद्धत आहे. त्यामुळे तांबे परिवाराचे या मतदारसंघातील जनतेशी असलेले ऋणानुबंध आणखी वृद्धिंगत करण्याचे काम सत्यजीत तांबे यांच्या हातून घडेल, हा विश्वास आहे.

सत्यजीत दादा तांबे जनसेवेसाठी सदैव तत्पर ! सत्यजीत तांबे हे मतदारसंघातील नागरिकांना भेटण्यासाठी नेहमी उपलब्ध असतात. त्यांना भेटायला येणाऱ्या नागरिकांचे प्रश्न, समस्या ते आपुलकीने समजून घेतात आणि त्या सोडविण्यासाठी तळमळीने प्रयत्नही करतात. त्यांच्या रूपाने नाशिक पदवीधर मतदारसंघाला आणखी एक कार्यक्षम आणि प्रामाणिक आमदार लाभला आहे.

युवकांनी व्यवसायात यावं असं फक्त भाषणबाजी करणारा नव्हे तर प्रत्यक्ष युवा उद्योजकांना भेटून त्यांना प्रोत्साहन देणारा नेता नव्हे तर युवा मित्र! कान्हूर पठार (पारनेर) येथील युवा उद्योजक मनोज झावरे यांच्या ‘मनराही – ग्रुप ऑफ कंपनीज’ या कार्यालयास सत्यजीत तांबे यांनी सदिच्छा भेट दिली. चांगल्या गुणवत्तेचा गूळ तयार करणाऱ्या या युवा उद्योजकास सत्यजीत तांबे यांनी पाठीवर कौतुकाची थाप दिली व व्यवसाय समृद्धीसाठी मनापासून शुभेच्छा दिल्या.

संगमनेरमधील भाऊसाहेब गुंजाळ पाटील सह्याद्री विद्यालय व ज्युनिअर कॉलेजचे प्राचार्य मच्छिंद्र यादव दिघे यांचा सेवापूर्ती गौरव सत्कार सोहळा तसेच ‘लोकनेते बाळासाहेब थोरात सभागृह व अटल लॅब’चे उद्घाटन आज माजी महसूल मंत्री मा. ना. बाळासाहेब थोरात यांच्या प्रमुख उपस्थितीत पार पडले. यावेळी डॉ. सुधीरजी तांबे, सत्यजीत तांबे, सौ. दुर्गाताई तांबे, सौ. कांचनताई थोरात, डॉ. जयश्रीताई थोरात आदी मान्यवर उपस्थित होते.

संगमनेर तालुका प्रशासनाची ‘टंचाई व खरीप हंगामपूर्व आढावा बैठक’ माजी महसूल मंत्री मा. ना. बाळासाहेब थोरात यांच्या अध्यक्षतेखाली पार पडली. यावेळी नाशिक पदवीधर मतदारसंघाचे आमदार सत्यजीत तांबे, अकोले विधानसभा मतदारसंघाचे आमदार डॉ. किरण लहामटे यांच्यासह विविध पदाधिकारी, शासकीय अधिकारी व कर्मचारी उपस्थित होते.

आज सत्यजीत तांबे यांनी संगमनेर शहरात विविध ठिकाणी सदिच्छा भेटी दिल्या. यावेळी प्रत्येक ठिकाणी त्यांचे अगदी उत्साहात आणि प्रेमाने स्वागत झाले.

आज संगमनेर तालुक्यातील जोर्वे येथे संतसावली निवासस्थानी मंदिरात श्रीदत्तमुर्तीची स्थापना तसेच श्रीदत्त मंदिर, प्रवरातीर येथील कलशारोहण सोहळा महंत श्री रामगिरीजी महाराज यांच्या शुभहस्ते व आ. बाळासाहेब थोरात यांच्या प्रमुख उपस्थितीत मंगलमय वातावरणात पार पडला. या मंगलप्रसंगी उपस्थित राहून सत्यजीत तांबे यांनी श्री गुरुदत्तांचे मनोभावे दर्शन घेतले. यावेळी इंद्रजीत थोरात, रणजित देशमुख आदी मान्यवर उपस्थित होते.